GWOBRAU PRENTISIAETHAU 2023

Gweithiodd Victor yn llawn amser yn Ffestiniog & Welsh Highland Railway yn yr adran gyfrifon gan gwblhau'r un pryd ei Lefel 3 mewn Cyfrifeg. Ers hynny mae wedi symud i gwmni arall, CCICM lle mae yna fwy o gyfleoedd iddo i fynd ymlaen yn ei yrfa.

Yn ogystal â swydd lawn-amser ac astudio Prentisiaeth, wynebodd Victor hefyd nifer o heriau ar lefel bersonol, ond parhaodd ei brentisiaeth er gwaethaf yr anawsterau hyn ac roedd yn agored, gonest a phroffesiynol bob amser. Mae wedi dangos cryfder ac ymrwymiad ym mhob agwedd o'i fywyd.

Mae Victor yn chwarae rôl weithredol mewn grŵp cefnogi a sefydlwyd gan aelodau dosbarth wedi ei anelu at ddarparu cefnogaeth y naill i'r llall yn y dosbarth - helpu gyda chwestiynau am waith cartref, byd y dosbarth a datrys problemau gyda'i gilydd. Mae'n ceisio ennill dealltwriaeth ddofn o'r modylau sy'n cael eu dysgu drwy edrych am adnoddau ychwanegol i gefnogi ei ddysgu.

Bu holl waith caled Victor yn werth chweil gan iddo gwblhau'r AA lefel 3 gyda rhagoriaeth yn gyffredinol.

Mae Natalie yn gweithio ar gyfer cyfrifwyr siartredig, Williams Denton Cyf a thrwy gydol ei phrentisiaeth lefel 3 ceisiodd gydbwyso gweithio adre a mynd i'r gwaith ar adegau neilltuol yn ogystal ag astudio.

Mae adborth gan gyflogwr Natalie yn dangos ei bod yn aelod gwerthfawr o staff. Cefnogodd gleientiaid gyda chyngor ariannol drwy gydol y pandemig a deliodd gyda materion megis grantiau taliadau ffyrlo a threth ar gyfer grŵp deiliaid diddordeb ehangach.

Roedd Natalie yn cyflawni ar lefel uchel bob amser, gan ennill marciau yn yr 80% a'r 90% uchel, felly roedd yn syndod na phasiodd un o'i arholiadau terfynol, gan fethu o drwch blewyn o ychydig ganrannau. Mae'n dyst i gymeriad Natalie iddi ail-sefyll yr arholiad ar y cyfle nesaf gan ennill marc gwych o 81%.

Mae Natalie ers hynny wedi mynd ymlaen i'r brentisiaeth uwch, mae ei phenderfyniad i beidio â gadael i unrhyw rwystrau ei bwrw oddi ar ei hechel yn dyst i'w phenderfyniad.

Mae Dawn yn derfynwraig deilwng ar gyfer y Wobr Prentis Cyfrifeg y Flwyddyn oherwydd ei hymrwymiad i'w hastudiaethau a'i hagwedd o "ddal ati". Dechreuodd ei lefel 3 yn Hydref 2020 wedi gorffen ei lefel 2 ynghanol y pandemig Covid; drwy gydol ei hastudiaethau gweithiodd mewn rôl allweddol yng Ngwasanaeth Tân Gogledd Cymru fel swyddog Cyllid.

Gan ddangos ymrwymiad nodweddiadol i'w gwaith, gweithiodd Dawn yn hyblyg rhwng y cartref a'r swyddfa gan ddarparu cefnogaeth ychwanegol i'r sefydliad a alluogodd barhad yn y gwasanaeth hanfodol hwn mewn amserau heriol.

O ran yr astudio cafodd Dawn y Lefel 3 yn her o ran yr amser y gallai ei neilltuo i baratoi ar gyfer yr arholiad. Er gwaethaf methu rhai o'i arholiadau y tro cyntaf, gweithiodd Dawn yn galed i gyrraedd y safon ofynnol a gyda chefnogaeth adolygodd ei chanlyniadau a gwnaeth y gwaith angenrheidiol i basio, gwneud cynnydd a datblygu ei sgiliau cyllid ymhellach.

Diolch i'w holl waith paratoi, pan safodd ei arholiad diwedd y flwyddyn fe basiodd Dawn ef ar y cynnig cyntaf. Mae ei hagwedd gadarnhaol mewn amgylchedd heriol, a'r gwelliannau mawr a wnaeth drwy gydol y brentisiaeth yn gwneud i Dawn sefyll allan ymysg ei chyfoedion.