GWOBRAU PRENTISIAETHAU 2023

Roedd David yn fyfyriwr gweithgar, yn chwilio am fwy o wybodaeth trwy’r amser ac roedd wedi ymrwymo i ehangu’r elfen wybodaeth bynciol yn ogystal ag ymrwymo i’r rhaglen hyfforddiant ymarferol. Cwblhaodd David ei waith ymarferol i gyd i safon uchel iawn yn ystod ei hyfforddiant. Cwblhaodd ei arholiadau i gyd gan ennill graddau da ar draws yr unedau. Cynhyrchodd David eitemau gwaith saer o safon uchel yn ei weithle, a chefais i gyfle i’w gweld pan oeddwn i ar ymweliadau safle ac wrth arsylwi. Roedd ei gefnogwyr yn gefnogol iawn ohono, gan gynnig profiadau gwych iddo a rhoi amrediad o dasgau gwaith saer heriol iddo. Mae wedi symud ymlaen bellach i’r cam nesaf yn ei hyfforddiant, Fframwaith Prentisiaeth Lefel 3 mewn saernïaeth bensaernïol.

Roedd Gwion yn weithgar, yn frwdfrydig ac wedi ymrwymo i’w waith. Roedd yn cystadlu mewn cystadlaethau yn ystod ei gyfnod yn Grŵp Llandrillo gan ddod yn Bencampwr Cymru yn y Gystadleuaeth Sgiliau yng Ngorffennaf 2018. Mae wedi serennu o fewn y diwydiant plymio ac mae ei gyflogwr yn canu ei glodydd yn arw. Parhaodd gyda’i NVQ trwy’r pandemig, ac yn y diwedd cwblhaodd ei fframwaith prentisiaeth yn llwyddiannus.

Cwblhaodd Sam ei NVQ a’i brentisiaeth mewn dim o dro! Roedd yn llawn cymhelliant ac yn awyddus i lwyddo. Fel dysgwr aeddfed, ymunodd Sam â’r Diploma lefel 2 cyn y brentisiaeth gan ei gwblhau’n rhwydd, gan gynnal ei ddiddordeb a’i frwdfrydedd yn y pwnc. Am gyfnod, bu’n cadw cydbwysedd rhwng ymrwymiadau teuluol, gwaith a’r brentisiaeth. Cwblhaodd Sam ei NVQ mewn cwpwl o fisoedd ac mae wedi parhau i ddysgu wrth fynychu cyrsiau byr. Mae Sam bellach yn hunangyflogedig ar ôl iddo sefydlu ei fusnes plymio ei hun. Nid yw’n syndod bod ei fenter yn ffynnu gan ei fod mor ymroddgar.