GWOBRAU PRENTISIAETHAU 2023

Cychwynnodd Joanne ar ei thaith hyfforddi ym mis Mehefin 2016 wrth gofrestru ar y cwrs Lefel 2 mewn Gwasanaethau Cegin ac yna aeth ymlaen i gwblhau cwrs Lefel 2 mewn Coginio Proffesiynol yn 2019.

O'r cychwyn cyntaf roedd Joanne wedi ymrwymo'n llwyr i'w gwaith ac roedd yn benderfynol o wneud pob tasg yn llwyddiannus. Mae hi wedi creu prydau bwyd o safon uchel iawn ac wedi dangos ei dawn a'i gallu ar y cymhwyster hwn. Cafodd ei hymrwymiad ei wobrwyo wrth iddi gael ei dyrchafu'n Brif Gogydd Cynorthwyol yn The Albert, Llandudno, ac roedd ei rôl newydd yn ei galluogi i barhau i ddatblygu ac aeth ymlaen i gofrestru ar y cwrs Lefel 3 mewn Goruchwylio ac Arwain ym maes Lletygarwch.

Gweithiodd Joanne yn galed i gyflawni'r cymwysterau Sgiliau Hanfodol Lefel 2 mewn Cyfathrebu a Chymhwyso Rhif. O ganlyniad, mae hi wedi helpu a chefnogi ei chyd-weithwyr yn y tîm i wneud eu cymwysterau NVQ ym maes Lletygarwch.

Mae Joanne wedi bod yn llysgennad gwych ar gyfer dysgu seiliedig ar waith yn y sector lletygarwch. Mae hi'n barod i oresgyn pob her ac yn dangos empathi tuag at eraill ac yn eu helpu i lwyddo hefyd.

Yn fuan ar ôl i Bryn ddechrau ei brentisiaeth cafwyd cyfnod clo ym Mhrydain. Roedd hyn yn amser anodd i Bryn wrth iddo geisio canolbwyntio ar ei addysg a cheisio addysgu ei ferch gartref.

Sgiliau TG eithaf sylfaenol oedd gan Bryn ac nid oedd wedi cymryd rhan mewn unrhyw ddysgu ar-lein o'r blaen. Er gwaethaf hyn, cwblhaodd Bryn ei waith theori i gyd - ar-lein! Yn ogystal â hyn, aeth ati i ymarfer prydau bwyd a ryseitiau newydd gartref gan anfon lluniau yn barod i'w hasesu pan fyddai'n dychwelyd i'r gwaith.

Unwaith yr oedd yn ôl yn ei waith, roedd Bryn wedi ymrwymo'n llwyr i gwblhau ei asesiadau ymarferol. Aeth ati i drefnu ei waith yn dda a chwblhaodd ei gymhwyster. Cafodd ei ddyrchafu'n Sous Chef Iau yn ddiweddar yng Ngwesty Bae Trearddur ac mae'n gobeithio mynd ymlaen i wneud cwrs Lefel 3 y flwyddyn nesaf.

Mae Bryn wedi dangos ei fod yn llawn cymhelliant a'i fod

Ar ddechrau'r brentisiaeth roedd Liam yn ddyn ifanc tawel a swil. Er hyn, wrth i ni fynd ymlaen â'r cymhwyster dechreuodd setlo ar y cwrs ac roedd yn unigolyn addawol iawn a oedd yn meddwl am syniadau ar gyfer prydau bwyd a fyddai'n cyd-fynd â meini prawf y cwrs. Roedd yn rhannu lluniau o brydau bwyd yr oedd wedi eu creu yn y gwaith ac yn siarad am y ffordd roedd yn arbrofi gyda chyfuniadau gwahanol o ran blasau.

Mae Liam wedi ffynnu fel prentis. Y cyfan oedd ei angen arno oedd rhywbeth i ganolbwyntio arno a rhywun i'w helpu i greu'r sbarc sydd ei angen i fod yn gogydd. Unwaith y cafodd y sbarc hwnnw, newidiodd yn llwyr. Mae wedi newid o fod yn hogyn tawel a swil i fod yn ddyn ifanc hyderus, parchus sydd wedi ymrwymo'n llwyr. Erbyn hyn, mae'n llawn angerdd am yr hyn mae'n ei wneud.

Yn ystod y cyfnod clo, byddai wedi bod yn hawdd penderfynu eistedd a gwneud dim. Ond, aeth Liam ati i ddefnyddio'r amser hwn i adolygu ar gyfer ei arholiadau. Talodd hyn ar ei ganfed a llwydodd i basio pob un o'r arholiadau y tro cyntaf gyda marciau da.

Dywedodd Tony Fitzmaurice, yr asesydd:

“Pan wnes i gyfarfod â Liam am y tro cyntaf, roedd o'n berson tawel a swil ond fe dyfodd a datblygodd ei hyder, yn enwedig o ran creu perthnasau proffesiynol. Ym mhob asesiad, ro'n i'n gallu gweld ei fod yn fwy hyderus wrth weithio ag eraill yn y gegin. Wrth i ni fynd ymlaen â'r cymhwyster, tyfodd ei ddiddordeb a dechreuodd awgrymu prydau bwyd gwahanol. Mae'r newid dw i wedi'i weld yn Liam yn wych. Dw i'n falch iawn o'r hyn mae o wedi'i gyflawni."