GWOBRAU PRENTISIAETHAU 2023

Mae Millie wedi sicrhau swydd ei breuddwydion fel cymhorthydd meithrin, wedi iddi ddatblygu ei hyder a’i sgiliau ar gynllun cyflogadwyedd.

Trwy weithio gyda thiwtoriaid y coleg, mae wedi datblygu ei hymddiriedaeth a’i hunan-hyder i oresgyn rhwystrau ac wedi cwblhau Hyfforddeiaeth Lefel 1 mewn Sgiliau Gwaith, oedd yn cynnwys sesiynau ar ysgrifennu CV, technegau cyfweliad a sgiliau cyfathrebu.

Wedi rhai cyfweliadau aflwyddiannus, dysgodd Millie bwysigrwydd gwytnwch a pheidio rhoi fyny. Ceisiodd am swydd arall, mynychodd y cyfweliad ar ei phen ei hun, gan sicrhau swydd ei breuddwydion mewn meithrinfa.

Mae Harry wedi ymateb i’r siomedigeth o gyflwr meddygol yn rhwystro ei uchelgais o ymuno â’r Lluoedd Arfog.

Ymchwiliodd i yrfaoedd amgen a gweithio’n galed ar y Rhaglen Hyfforddeiaeth, gan fod ar gael i gefnogi dysgwyr newydd a’u harwain ar eu rhaglen.

Gweithiodd Harry’n galed iawn pan roedd ar ei Hyfforddeiaeth Milwrol, a’i brif nod oedd i ymuno â’r Llynges Frenhinol fel tanforwr, ond oherwydd rhesymau meddygol bu’n aflwyddiannus gyda’i gais, felly trodd Harry i’w Gynllun B! Roedd yn gweithio rhan amser mewn tafarn yng Nghonwy, ac yn mwynhau ei rôl, felly penderfynodd ar brentisiaeth mewn lletygarwch. Mae Harry’n dal i obeithio gwireddu ei nod hir-dymor yn y dyfodol gan ymuno â’r Llynges Frenhinol.