GWOBRAU PRENTISIAETHAU 2023

Gweithiodd Beth yn ddiflino drwy’r pandemig pryd bynnag y bo modd gwneud hynny. Roedd y ffyrlo yn anodd ar adegau ac yn ei gwneud hi’n anodd datblygu’r sgiliau arbenigol sydd eu hangen i wneud y swydd.

Mae gan Beth natur ofalgar ac roedd yn poeni am ei ffrindiau a’i chydweithwyr oedd hefyd yn cael trafferth. Cymerodd lawer o hunanymholiad i ddod o hyd i’r hyder i ddechrau eto, dro ar ôl tro, yn dilyn pob cyfnod estynedig o amser i ffwrdd o’r swydd mae’n ei charu.

Mae Beth nid yn unig yn ddysgwr ysgogol iawn, sydd â diddordeb cyson mewn sut i wella ei sgiliau hi ei hun, mae hi hefyd yn chwaraewr tîm cryf, ac yn dod ag egni cefnogol a charedig i’w gweithle. Gellir dibynnu arni i weithio i safon ardderchog bob amser, ac i ddefnyddio yr hyn y mae wedi ei ddysgu i ddatblygu y practis cyfan ymhellach. Cefnogaf ei henwebiad ar gyfer Prentis y Flwyddyn yn gyfan gwbl.

Mae Hannah wedi dangos cysylltiad â phob claf y mae hi wedi rhyngweithio â nhw ond hefyd â’r perchnogion a’r teuluoedd, gan eu trin â pharch ac empathi. Mae Hannah yn mynd gam ymhellach ar gyfer pob claf, waeth pa mor anodd yw'r diwrnod mae hi bob amser yn gwenu.

Wedi cyrraedd ei breuddwyd a chymhwyso fel Nyrs Filfeddygol Gofrestredig, trwy waith caled a chefnogaeth ei thîm ym Modrwnsiwn. Mae Hannah bellach yn cefnogi myfyrwyr newydd ac yn trosglwyddo ei gwybodaeth i eraill ei defnyddio. Mae Hannah yn ysbrydoli pob myfyriwr ac yn cymryd yr amser i addysgu, trwy ddamcaniaeth ac ymarferol.

Mae Hannah yn benderfynol a bydd yn mynd ymhell yn ei gyrfa.

Mae Elin wedi gweithio yn Fferm Hendy ers tair blynedd ac yn aelod ymroddedig a chydwybodol o’r staff sy’n canolbwyntio’n arbennig ar iechyd a llesiant y da byw.

Mae’n dechrau gweithio am 5yb bob dydd i odro’r gwartheg ac yn cyfuno’r swydd hon gyda gweithio ar fferm ei theulu a rhentu tir ei hun ar Ynys Môn i fagu gwartheg.

Dywed cyflogwr Elin ei bod hi’n llawn cymhelliant i lwyddo mewn amaethyddiaeth sydd i’w weld yn ei hymroddiad a’i gwaith caled.